اشتري اي قطعتين واحصل على توصيل مجااني من لقطة

موضة ربيع و صيف 2020

لفة بدور الموضة لسنة 2020

النوستالجيا هي حاله للحنين للماضي ومصممين موضة ربيع وصيف 2020 بعانو منها موضة هالسنه

 هي موضة كانت موجودة بفترة التسعينات, بس مع إضافة إطلاله عصرية إلها حتى تناسب التطور الحالي راح ناخذكم برحلة لدور الأزياء حتى تعرفوا شو هي الموضة الجديدة وأكيد كيف تكوني عالموضة من خزانتك.

الأكمام المنفوخة

الأكمام المنفوخة هي موضة هالسنة وبنشوفها بأكثر من تصميم زي القمصان و الفساتين والتوب وأكيد هيك نوع من القطع بتقدري تلبسي لاشي رسمي مثل الشغل المناسبات المهمة او عشاء العمل

هالموديل بيجي بعدة قماشات زي الساتان والشيفون وعدة الوان وانماط زي الستايل الي المنقط ال ي مستحيل تنتهي موضتو .

بتقدري تلبسي على بنطلون قماش خصر عالي او جينز مناسب حسب وين حابة تطلعي

التنانير

التنانير هي موضة هالربيع ,شوفنا كتير تنانير على مدرجات الموضة هالسنة وبأطوال مختلفة وقماشات  وقصات جديدة ,وبرضو اغلبها قريب لموضة التسعينات.

ووحدة من هاي التنانير هي تنانير الجينز القديمة هاي التنانير مستوحاة من اجواء إعادة التدوير السائدة حاليا

واحلى اشي بتنانير الجينز انها بالبزبط زي بلاطين الجينز بتقدري تلبسيها على التيشيرت والقمصان واذا كان الجو بارد ممكن تلبسيها على جزمة طويلة وبالصيف بتكون كتير حلوة مع شوز ناعم او صندل

(Layered skirt)  لنوع التاني من التانير هو واحد من انواعي المفضلة تنانير الطبقات 

 هاد النوع من التنانير مع الوانه الباردة بهالسنة بعطي ربيعك حيويته المعهودة ,هيك نوع من التنانير بتقدري تلبسي مع توبس سادة وباليرينا او صندل واكيد بطلع كتير حلو للصبايا المحجبات اذا لبسو معه جاكيت قصير وتوب سادة 

(suit)

سبور شيك

بنشوف هالسنة وجود قوي للأطقم  الرسمية بألوان ونقشات مختلفة الأطقم الرسمية هي الاشي الافضل حتى تلبسيه بالشغل او على المناسبات الرسمية ,واكيد بتقدري تلبسيه مع شوز او هيلز ,وزي ما حكيت راح تلاقو بشكل سادة او مخطط او الكاروهات.

البلاطين والجينز

بالسنين الماضية كنا نشوف انو الموضة عم ترجع شوي للبلاطين والجينز العريض ومع رجعة البلاطين الجلد الي كانت موضة قديمة ورجعت جديد لمدرجات الموضة بـ2020 و رح احكيلكم وفرجيكم كل مودل وكيف ممكن تنسقي

ونفس الاشي البلاطين بقصات عريضة ممكن تلبسيها بشكل رسمي او كاجول حسب التوب الي بتحبي تلبسي معهم وطبيعة الشوز 

شيرليستون جينز زي ما بنشوف انو الموضة بترجع لتسعينات وهو واحد من احلى قصات التسعينات بتقدري تلبسي مع قمصان وتي شيرت ومع هيلز وشوزات رياضة

بنطلون الجلد يفضل يكون خصر عالي بتقدري تلبسي مع شوز رياضة ابيض وتي شيرت مناسب كتير لطلعات التسوق والجامعات

 (feminine dresses)الفساتين

حلاوة هالفساتين ببرودتها الي بتعطينا اياها بالصيف واكيد ستايلها المنقط الغير شكل بتقدري تلبسي هالفساتين بالمول او بطلعاتك عند صحباتك مع هيلز او شوز رياضة .

شوي انماط رجعت لموضة ربيع وصيف 2020

المخطط

رجعت موضة المخطط هالسنة وراح نشوفها على كتير اشياء زي الجمبوست والسبور شيك والبلاطين هالموضة رجعت حتى بلبس الشباب

منقط

المنقط هو واحد من الانماط القديمة الي بنشوفلوا حضر كتير حلو على مدرجات الموضة هالسنة بنشوفو بالفساتين والتوبس وهو كتير راقي

سارة

مساعدة شخصية بمتجر لقطة وطالبة بمجال التصميم الجرافيكي
 
 

Leave a comment

Please note, comments must be approved before they are published